يكفينا فخر

موضوع: يكفينا فخر الخميس نوفمبر 19, 2009 2:29 pm

السلام عليكم على كل مصري

النهاردة وعلى غير العادة مش هنزل اخبار ولا هتكلم كتير

الموضوع ده فكرته فى دماغى لكنى كتبته مباشرة هنا وانا ع الكيبور حالا
وكمان نزلته فى قسم فضفضة وسبورتاج علشان مهم جدا بالنسبة لينا
ويارب اعرف اوصل رسالتى

طبعا كلنا عرفنا ان الجزائر فازت على مصر وأتأهلت لكأس العالم. يكفينا فخر Icon_sad

وطبعا كلنا زعلانين اوى. من اللى بيحصل.

لكن هقولكم كلمة واحده يكفينا فخرا اننا مصريين .
يكفينا فخرا اننا بنشجع منتخب مصر الي ابهر العالم كله بأداؤة
صحيح متأهلناش لكأس العالم . لكننا ادينا بشرف ورجولة.

يكفينا فخرا إن الحكم كان ظالم وواخد رشوة. يكفينا فخرا اننا شعب محترم وجمهور ولعيبه محترمة.
يكفينا فخرا اننا كنا بنلعب بشرف لاخر دقيقة
.
يكفينا فخرا اننا فريق مش بيدي رشاوى للاتحاد الدولي ولا للحكام ولا لمراقبين المباراة علشان نكسب.

يكفينا فخرا اننا عارفين احنا مين. واننا اسياد العالم.

يكفينا فخرا بفوزنا ببطولة افريقيا 2006 عندنا فى مصر. و2008 بغانا.
يكفينا فخرا ان الجزائريين والعالم كله عارف المؤمرات اللى حصلت وبتحصل علشان مصر متوصلش كأس العالم

وفعلا يكفينا فخرا إننا لأخر دقيقة كنا بنلعب بشرف ونزاهة.
بنلعب كرة قدم حقيقية فى حين ان الجزائر كانوا بيلعبوا لعبة تانية اسمها الدهاء والمكر والبلطجة.

المنتخب الجزائري لم يلعب كرة قدم. بل لعب كرة قدم امريكية. ولمن لا يعرف كرة القدم الامريكية"" فهى كرة تعتمد ع الضرب فقط والجسم فقط. وليست المهارة ولا العقل ولا الذكاء.

وكفانا فخر أننا لم نكن نلعب ضد فريق الجزائر فقط
لكننا كنا فى مباراة ضد فريق الجزائر وفريق التحكيم وفريق مراقبة المباراة من الفيفا والجمهور البلطجى الجزائري.

فعلا يكفينا فخرا بلعيبتنا
ويكفينا فخر اننا نعيش عصر أبو تريكة وبركات ومتعب وزيدان وشوقى وزكي واحمد حسن وعبد ربه وجمعة والسقا وهانى سعيد والسد العالى الحضري. ولمعلم حسن شحاتة وباقى منتخب مصر.
يكفيني فخر انى مصرى. إن لم نكن فزنا فى مباراة فنحن فزنا باحترام منتخبنا وروحة العالية . فلقد نال منتخبنا احترام العالم بأسرة
وأنا أقولها وعلى مسئوليتي الشخصية. انا نور شاب مصرى اقولها على مسئوليتي الشخصية. ان منتخبنا نال احترام العالم باسرة

وجمهور مصر يعلو اعلى مراتب الاحترام من العالم باسرة.

يكفينا فخرا بحب العالم كله لمصر ويكفينا فخرا بفنانين مصر اللي اتخلوا عن البرستيج وراحوا السودان ورا منتخبنا يشجعوه.

انا اقسم انى كنت شايف اكتر من 20 فنان مصرى مغنى وممثل ومخرج وشاعر وكاتب كلهم كانوا ورا المنتخب بيأزروه.
يكفينا فخر بفنانينا . [ندعوك للتسجيل في المنتدى أو التعريف بنفسك لمعاينة هذا الرابط]
فعلا انا فخور انى مصرى؟؟؟
انت كمان فخور انك مصرى؟؟؟

اكيد طبعا

تحياتى لكل شاب وفنان ورياضى مصرى
أخوكم نـــور المصرى